Kurti: Në takimin e Ohrit kam pranuar që draft-statutin ta shkruaj unë

Kam qenë i gatshëm që vet ta shkruaj draft-statutin e Asociacionit, por një gjë e tillë nuk është pranuar nga palët në takimin e Ohrit, ka theksuar kryiministri i Kosovës, Albin Kurti, transmeton gazeta “Kosova Sot Online”.

Madje sqaroi se kjo punë iu tha se është e ekipit menaxhues, pasi ishte pjesë e marrëveshjes së mëhershme të dialogut.

Kur foli për takimin e 2 majit tha se i mbetet BE-së që të përcaktojë agjendën.

“Në takimin e Ohrit kam pranuar që draft-statutin ta shkruaj unë por me ato tri shtyllat parimore që duhet pranuar parimisht. Një gjë e tillë u refuzua dhe mua mu tha nga ndërmjetësit që këtë duhet ta bëjë ekipi menaxhues si pasojë e marrëveshjeve të mëhershme në dialogun e Brukselit para një dekade”.

“Pra tash i përket ndërmjetësit që ta përcaktojë agjendën e takimit të datës 2 maj, ndërkaq unë do ta takoj në një konferencë ndërmjetësin Lajçak”, tha Kurti.

“Nuk ka anëtar të grupit punues nga ana jonë. Unë e kam zëvendësin tim i cili në portofolin e tij është përgjegjës për integrimet evropiane”.

“I përket ekipit menaxhues që të shfaqet por ministri Elbert Krasniqi i ka bërë ftesë për takim atyre por që nuk kanë pranuar”, tha tutje Kurti.

Shefi i ekzekutivit foli edhe për zgjedhjet në veri.

“Ne kemi bërë fushatë vazhdimisht. Unë kam pasur takime e fushata është zhvilluar nga kandidatët për kryetar të komunave atje. Mirëpo fushatë më të egër kundër serbëve të Kosovës moti nuk ka pasur e udhëhequr e financuar nga Beogradi dhe ekzekutuar nga elemente kriminale”, tha Kurti.

(Kosova Sot Online)