Lajçak takohet me kryediplomatin Dendias në Greqi, diskutojnë për dialogun Kosovë-Serbi
Emisari special i BE’së për dialogun Kosovë-Serbi, Miroslav Lajçak, është takuar me kryediplomatin grek, Nikos Dendias, për të diskutuar për procesin e dialogut, si dhe për rajonin, përcjell “Kosova Sot Online”.
Dendias, njoftoi për temën e takimit.
“Gjatë një takimi të mbajtur më herët sot në Ministrinë e Jashtme të Greqisë, diskutova me Përfaqësuesin Special Miroslav Lajçak për progresin e dialogut Beograd-Prishtinë dhe perspektivën europiane të Ballkanit Perëndimor”.
Ndërkaq, sot Lajçak e ka falënderuar Dendias për interesin e Greqisë dhe mbështetjen e tij në përpjekjet e përbashkëta në Ballkanin Perëndimor.
“Faleminderit i dashur Nikos Dendias për interesin e Greqisë për Ballkanin Perëndimor dhe mbështetjen për përpjekjet tona të përbashkëta në rajon”.
Thank you dear @NikosDendias for Greece’s interest in the Western Balkan and support of our join ?? efforts in the region. https://t.co/XGloH3DgKB
— Miroslav Lajčák (@MiroslavLajcak) April 28, 2023
(Kosova Sot Online)