Gruaja e Rexhep Selimit thotë se burri i saj nuk e shkarkoi avokatin

Bashkëshortja e Rexhep Selimit, Shqipe Mehmeti Selimi, ka sqaruar arsyen se pse Selimi ka kërkuar që avokati David Young të largohet nga detyra e kryeavokatit të ekipit mbrojtës të tij, përcjell “Kosova Sot Online”.

Bashkëshortja e tij ka thënë se ai ka kërkuar që për arsye shëndetësore, kryeavokat të jetë Geoggrey Roberts, kurse avokat të jetë David Young.

“z. David Young mbetet akoma pjesë integrale e ekipit të mbrojtjes së Rexhep Selimit. Megjithatë për arsye shëndetësore është vendosur në bashkëpunim me z. Young që për një periudhë të pacaktuar Avokat kryesor të jetë z. Geoffrey Roberts, kurse bashkë-avokat z. David Young”, ka shkruar ajo.

Postimi i plotë i Shqipe Mehmetit:

SQARIM

Të nderuar qytetarë

E ndjej obligim të bëj këtë sqarim në lidhje me lajmin që po qarkullon sot nëpër medie se Rexhep Selimi ka larguar nga ekipi avokatin e tij z. David Young. Ky është një keq-informim që i bëhet publikut.

David Young mbetet akoma pjesë integrale e ekipit të mbrojtjes së Rexhep Selimit. Megjithatë për arsye shëndetësore është vendosur në bashkëpunim me z. Young që për një periudhë të pacaktuar Avokat kryesor të jetë z. Geoffrey Roberts, kurse bashkë-avokat z. David Young.

Ekipa mbrojtëse e Rexhep Selimit vazhdon punën si gjithmonë – me intenzitetin dhe harmoninë e zakonshme.

Ne si familje jemi të kënaqur me punën e avokatëve.

(Kosova Sot Online)