Hapet konkursi për shkollimin specialistik, ja sa specializantë do të pranohen

Ministria e Shëndetësisë njofton se është hapur konkursi i ri për Shkollim Specialistik, përcjell “Kosova Sot Online”.

Numri i specializimeve, mbështetet në tri kriteret bazë:

Kuadrin deficitar

Kapacitetet Mentoriale

Kapacitetet infrastrukturore

“Konkursi për shkollimin specialistik është në përputhje me standardet bashkëkohore si dhe në harmoni me nevojat e institucioneve shëndetësore të vendit.

Përmes këtij konkursi, ndahen 359 specializime për lëmi klinike, Mjekësi familjare dhe për nevoja të institucioneve shëndetësore private.

Specializantët që do të pranohen në kuadër të Institucioneve Publike Shëndetësore, do të financohen nga Institucionet përkatëse, sipas kërkesave të tyre drejtuar Ministrisë së Shëndetësisë për nevoja të stafit profesional.

Informacionet shtesë lidhur me konkursin e hapur dhe përmbajtjen e UA të vitit 2023 mund t’i gjeni në ëeb portalin zyrtar të Ministrisë së Shëndetësisë”, thuhet në njoftim.

(Kosova Sot Online)