Ndërron jetë foshnja 5 muajshe pasi babai grek e harron në makinë
Një ngjarje e rëndë është shënuar në Artë të Greqisë, kur një baba harroi fëmijën e tij në makinë për disa orë dhe për pasojë foshnja humbi jetën, transmeton gazeta “Kosova Sot Online”.
Sipas mediavegreke, për arsye të panjohura deri më tani, babai e kishte harruar fëmijën në sediljen e pasme.
Kur pas 3 orësh ka kuptuar mungesën e fëmijës, ka shkuar te makina dhe e ka gjetur të lidhur në karrigen e fëmijës pa ndjenja.
Foshnja ishte pa ndjenja dhe nxirrte shkumë nga goja. Ai e dërgoi menjëherë në spitalin e Artës ku u konstatua dhe vdekja.
Ndërkohë foshnja është dërguar në spitalin e Janinës për t’iu bërë autopsia.
(Kosova Sot Online)
