Bie nga lartësia e ndërtesës ku po punonte, vdes 60-vjeçari
Një ngjarje e rëndë ka ndodhur sot në Vlorë, shkruan “Kosova Sot Online”.
Një punëtor 60 vjeçar ka rënë aksidentalisht nga lartësia e pallatit ku po punonte dhe ka ndërruar jetë në spital.
Policia bën me dije se ka nisur punën për zbardhjen e rrethanave të ngjarjes.
Njoftimi i policisë:
Rreth orës 11:55, në lagjen “Uji i Ftohtë”, shtetasi A. P., rreth 60 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka humbur jetën në spital.
Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
(Kosova Sot Online)