Osmani e Vuçiq në të njëjtin rresht te inaugurimi i Milatoviqit
Presidentja e Kosovës, Vjosa Osmani, sot ka marrur pjesë në ceremoninë inauguruese të presidentit të ri të Malit të Zi, Jakov Milatoviq, përcjell “Kosova Sot Online”.
Në këtë ceremoni ishte prezent edhe presidenti i Serbisë, Aleksandar Vuçiq.
Pamja ku janë edhe Osmani edhe Vuçiqi nuk mbeti pa u komentuar, ku të dytë ishin të ulur në rreshtin e parë.
Shefi i Presidencës, Blerim Vela, citoi një diplomat europian se ka thënë që kjo përbën hapin e parë për Serbinë në respektimin e artikullit 4 të marrëveshjes së fundit mes Kosovës dhe Serbisë.
“Një diplomat i BE-së vuri në dukje me cinizëm se pjesëmarrja e Vuçiqit së bashku me Presidenten Osmani në inaugurimin e Presidentit të ri të Malit të Zi përfaqëson hapin e parë të Serbisë në zbatimin e artikullit 4 të marrëveshjes me Kosovën për përfaqësim të veçantë në arenën ndërkombëtare. Mbase ai ka të drejtë”, ka shkruar Vela në Twitter.
An EU diplomat cynically noted that Vučić’s attendance together with President Osmani at inauguration of new President of Montenegro represents Serbia’s first step in implementation of art. 4 of the agreement w/ Kosovo on separate representation at int’l arena.
— Blerim Vela (@Blerim_Vela) May 20, 2023
Maybe he’s right. pic.twitter.com/dl4qODpZPG
(Kosova Sot Online)
