A është Prishtina kryeqyteti ku mund të blihet më lirë një shtëpi?
Prishtina, është kryeqyteti europian ku mund të blihet më lirë një shtëpi, sipas një xstudimi nga DailyMail, transmeton gazeta "Kosova Sot Online".
Duke bërë një krahasim, çmimi i banesave në Mbretërinë e Bashkuar shkon mesatarisht 294,910 £, ndërsa në Londër kushtojnë gati dyfish.
Mirëpo, nëse në Britani me këtë çmim mund të blini një shtëpi normale, në Kosovë mund të merrni në super vilë.
Studimi vë në pah se me 250,000 £ në Prishtinë mund të blihet një shtëpi me pesë dhoma gjumi me tre tualete, një garazh dhe kopsht të madh.
Pronat në qytet kushtojnë 577 £ për metër katror, e ndërsa në Londër mesatarisht 8,091 £ për metër katror. Në vendin e dytë renditet Jerevani i Armenisë.
(Kosova Sot Online)
