Vdesin 4 alpinistë në Alpet zvicerane

Tre alpinistë holandezë, të cilët u raportuan të zhdukur të premten e kaluar, u gjetën të vdekur të dielën në bazën e një akullnaje në kantonin Valais në jug të Zvicrës, njoftuan sot autoritetet lokale, transmeton gazeta “Kosova Sot Online”.

Sipas të dhënave të para të hetimit, tre viktimat, dy burra të moshës 32 dhe 40 vjeç dhe një grua 30 vjeçe, dyshohet se janë vrarë nga një ortek. Ky është vlerësimi i prokurorisë publike të Valais dhe policisë së Bernës.

Trupat e tyre u gjetën të dielën në mëngjes në akullnajën Jezi, në komunitetin Blattern. Operacioni për gjetjen e tyre kishte nisur pasditen e së shtunës me ndihmën e helikopterëve, pasi që nga e premtja alpinistët nuk kishin dhënë asnjë shenjë jetë.

Rasti është duke u hetuar nga Ministria e Brendshme e kantonit Valais. 

(Kosova Sot Online)