Idrizi: Do të marrim masa për sigurimin e kanalit të Ibër Lepencit
Nga humbje e jetës së një fëmije 4 vjeç, trupi i pajetë i të cilit u nxor sot nga kanali i Ibër Lepencit, është shprehur i tronditur kryetari i Vushtrrisë, Ferit Idrizi, transmeton gazeta “Kosova Sot Online”.
“Vërtet më tronditi kjo”, tha Idrizi.
“Kanali i Ibër Lepencit ka ditur shpesh të marrë jetëra të banorëve të Vushtrrisë, fëmijëve”, tha ai, duke thënë se do ta ngris në nivel komunal “mënyrën e sigurimit të kanalit”.
“Është një moment i rëndë jo vetëm për familjen”, tha kryetari i Vushtrrisë, i cili tha se po kthehet nga një vizitë që e kishte pasur në Gjermani.
(Kosova Sot Online)