Gjendet e vdekur në hotel një 36 vjeçare

Një tursite nga Texas, SHBA është gjetur pa shenja jetë në hotelin ku qëndronte në Shkodër, shkruan “Kosova Sot Online”.

Nga informacionet e deri tanishme A. N. ka humbur jetën, për shkak të një mbidoze ilaçesh.

Rasti lidhur me këtë vdekje është duke u hetuar.

Njoftimi i policisë

Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen “Tre Heronjtë”, në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.

Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.

Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.

Grupi hetimor vijon punën për sqarimin e plotë të rrethanave të kësaj ngjarjeje.

(Kosova Sot Online)