Vuçiq: Prioritet është formimi i Asociacionit të Komunave Serbe, do të insistojmë
Senatorët amerikanë Chris Murphy dhe Gary Peters janë duke qëndruar në Serbi, përcjell “Kosova Sot Online”.
Atje janë pritur nga presidenti i Serbisë, Aleksandar Vuçiq, me të cilin folën për marrëveshjen me Kosovën.
Vuçiq ka njoftuar se atyre i ka kërkuar që Kosova të formojë Asociacionin siç është paraparë në marrëveshjen e Brukselit.
“E theksova se prioritet është formimi i Asociacionit të Komunave Serbe, si dhe se do të vazhdojmë të insistojmë në zbatimin ekskluziv të vendimit për Asociacionin ashtu siç është paraparë në Marrëveshjen e Brukselit”, ka shkruar Vuçiq në Instagram.
(Kosova Sot Online)