Lexoni edhe:
Pasagjeri hap derën e avionit, ja çka ndodhi me pasagjerët që fluturonin për në Korenë e Jugut
Pas të shtëna me armë drejt policëve shqiptarë në Kukës, reagon shefi i mbikëqyrjes së kufirit Kosovë-Shqipëri
Shefi i Sektorit për mbikëqyrjen e kufirit Kosovë-Shqipëri ka dhënë reagimin e tij lidhur me sulmin e armatosur të ndodhur sot në mëngjes mes forcave të policisë dhe një grupi trafikantësh emigrantësh, sirian dhe algjerian, transmeton "Kosova Sot Online".
Ndër të tjera ai ka deklaruar se ditën e djeshme rreth orës 23:00 kanë marrë informacion se në drejtim të territorit të Kosovës janë 6 ose 7 persona të armatosur.
Pasi janë përballur me policinë dhe nuk kanë mundur të kalojnë drejt Kosovës, ata janë kthyer nga efektivët shqiptarë dhe i kanë qëlluar me armë.
“Jemi udhëzuar që të organizojmë operacionin në terren. Në mesin e tyre ishte edhe personi kyç që është i njohur por s’mund të japim detaje. Personat e dyshuar kanë parë në policinë dhe kanë gjuajtur në vijën kufitare, distanca 50-100 metra. Kanë pasur gjuajtje nga armë të ndryshme. Kanë qenë grup i organizuar. Personi i shpallur në kërkim ka qenë i proceduar më parë nga policia shqiptare dhe kosovare, si dhe ka qenë i arrestuar.
Personat që kanë qenë duke ardhur, në momentin e takimit vizual me policinë e Kosovës, janë kthyer nga policia shqiptare, ndaj të cilëve kanë gjuajtur. Në pamundësi për t’u futur në Kosovë e për t’u kthyer mbrapa kanë përdorur gjuajtjet për të shpëtuar. Në momentin e parë janë ndaluar 3 persona nga ana e policisë së Shqipërisë. 4 të tjerë ikën në pjesën e sipërme, në atë të vështirë malore, është krehur tereni në të dyja anët. Në pjesën e Shqipërisë kanë qenë të përfshira të gjitha njësitë. Më vonë nga policia shqiptare kemi marrë konfirmimin se janë arrestuar dhe 3 të tjerë. Ne nuk kemi gjuajtur. Vetëm ata kanë gjuajtur”, ka deklaruar ai.
“Me fenomenin e trafikimit me emigrantë, gjatë viteve të fundit jemi ballafaquar me disa raste por jo të jetë gjuajtur ndaj nesh. Duke nisur nga viti i kaluar, përforcimi nga policia shqiptare dhe policia jonë kanë shkaktuar te kontrabanduesit një formë ngritje të rrezikshmërisë ndaj nesh. Kjo ka ndodhur vitin e kaluar por aty ishte diçka mes tyre, jo gjuajtje ndaj policisë. Është qëlluar ndaj nesh por fatmirësisht nuk ka të lënduar”, tha ai.
(Kosova Sot Online )
