NATO thirrje Kosovës: Shtensionojeni menjëherë situatën në Veri, zgjidhni situatën përmes dialogut
Aleanca e NATO’s i ka bërë thirrje Kosovës që të qetësojë menjëherë situatën në veri të vendit, pas tensioneve që u krijuan atje, përcjell “Kosova Sot Online”.
Zëdhënësja e NATO-s, Oana Lungescu, ka shkruar nëTwitter se të gjitha palët duhet t’i zgjidhin çështjet përmes dialogut, derisa theksoi se KFOR-i dhe NATO do të qëndrojnë vigjilent në ofrimin e mjedisit të sigurtë.
“Ne u bëjmë thirrje institucioneve në Kosovë të shtensionojnë menjëherë situatën dhe u bëjmë thirrje të gjitha palëve që të zgjidhin situatën përmes dialogut. Misioni i NATO-s, KFOR, vazhdon të jetë vigjilent dhe të ofrojë mjedis të sigurt”, shkroi Lungescu.
Dje, kryetarët e komunave të veriut të Kosovës, Zveçan, Zubin Potok dhe Leposaviq kanë arritur të futen dje në zyrat e tyre me asistim të Policisë. Grupe të banorëve vendas në këto komuna të banuara me shumicë serbe kundërshtuan shkuarjen e tyre në zyrat që më parë përdoreshin nga zyrtarët serbë. Policia hodhi gaz lotsjellës dhe shok-bomba për t’i shpërndarë protestuesit, të cilët hodhën gurë në drejtim të policisë dhe dogjën disa makina.
We urge the Institutions in #Kosovo to de-escalate immediately & call on all parties to resolve the situation through dialogue. @NATO_KFOR remains vigilant & will ensure a safe & secure environment.
— Oana Lungescu (@NATOpress) May 27, 2023
(Kosova Sot Online)