Kurti: Po përballemi me ekstremistë që admirojnë Millosheviqin dhe Putinin
Për gjendjen në veri, kryeministri i Kosovës, Albin Kurti, ka folur në CNN, transmeton gazeta "Kosova Sot Online".
Kurti ka thënë se kryetarët e zgjedhur me vota duhet të kryejnë punën e tyre.
Ai fillimisht tregoi kronologjinë e ngjarjeve që dërguan deri tek zgjedhja e kryetarëve në veri, me dorëheqjet e kryetarëve të kaluar dhe bojkotin e zgjedhjeve.
“Po përballemi me ekstremistë, të djathtë ultranacionalistë. Ata admirojnë Millosheviqin dhe Putinin. Këta sulmuan policinë tonë, trupat e NATO-s dhe gazetarët. Sot është më qetë, por gjithsesi përsëri sulmuan gazetarë. Nuk është e mundur që të mos ketë kryetarë të zgjedhur brenda objekteve të komunave”, tha ai.
(Kosova Sot Online)
