Policia bëri thirrje që të mos dalin, disa persona po protestojnë afër Urës së Ibrit
Një protestë që është lajmëruar vetëm në rrjete sociale, duket se ka rezultuar me grumbullimin e një numri të qytetarëve në Mitrovicën e Jugut, përcjell “Kosova Sot Online”.
Edhe pse policia e ministri i Brendshëm Xhelal Sveçla, kërkuan nga qytetarët që mos t’i përgjigjen pozitivisht kësaj “proteste”, aty ka nisur mbajtja e saj.
Ndërsa, sipas ministrit Sveçla “përmes këtij organizimi në rrjetet sociale po tentohet të nxiten tubime të panevojshme. Sipas vlerësimeve nga institucionet e sigurisë, kjo thirrje po përhapet nga persona të panjohur dhe profile të dyshimta nëpër rrjetet sociale”.
(Kosova Sot Online)