Osmani takon në Ankara shefin e NATO-s Jens Stoltenberg
Me shefin e NATO-s. Jens Stoltenberg, presidentja Vjosa Osmani është takuar dje në Ankara, transmeton gazeta “Kosova Sot Online”.
Osmani dhe Stoltenberg u takuan gjatë ceremonisë inauguruese me rastin e rizgjedhjes së Recep Tayyip Erdogan si president i Turqisë.
Shefja e shtetit të Kosovës shkroi se në takimet “me liderë të tjerë e miq të Kosovës”, kanë folur specifikisht për rëndësinë e bashkëpunimit në çështjet e sigurisë.
“Gjatë ceremonisë, me liderë të tjerë e miq të Kosovës, bashkëbiseduam për rëndësinë e bashkëpunimit në këtë kohë përcaktuese për sigurinë e përbashkët”, shkroi Osmani.
(Kosova Sot Online)