Arrestohet personi që kërcënoi nënkryetaren e Leposaviqit

Ministri i Brendshëm i Kosovës, Xhelal Sveçla ka njoftuar se është arrestuar personi që ka kërcënuar nënkryetaren e Leposaviqit, Dragana Miletiq, përcjell “Kosova Sot Online”.

Po ashtu, ministria ka shkruar se është ndaluar kontrabanda me mallra, si dhe dje është konfiskuar vetura në kërkim ndërkombëtar.

Postimi i plotë i Sveçlës:

Krimi dhe kërcënimi nuk kalojnë.

Pardje është ndaluar kontrabanda me mallra, dje është konfiskuar vetura në kërkim ndërkombëtar, sot është arrestuar personi që ka kërcënuar nënkryetaren e Komunës së Leposaviqit, znj. Dragana Miletic. Të gjitha këto në veri të vendit.

Koha e pandëshkueshmërisë ka marrë fund.

(Kosova Sot Online)