Drenas: Vdes gruaja që u godit nga vetura
Ka ndërruar jetë gruaja që u godit nga vetura dy ditë më parë në Drenas, shkruan “Kosova Sot Online”.
Një veturë dyshohet se nga pakujdesia e ka goditur viktimën femër.
Policia njofton se ajo pas aksidentit ishte dërguar në QKUK, mirëpo për shkak të lëndimeve, ajo ka ndërruar jetë.
Trupi i pajetë i viktimës është dërguar në IML.
“AKSIDENT TRAFIKU ME FATALITET- Gllogoc 05.06.2023 – 18:43. I dyshuari mashkull kosovar derisa ishte duke drejtuar veturën dyshohet nga pakujdesia ka goditur viktimën femër kosovare, të cilës i ka shkaktuar lëndime të rënda. Viktima pasi është dërguar në QKUK për tretman mjekësor, dyshohet për shkak të lëndimeve ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion.”
(Kosova Sot Online)
