Borrell: Jemi duke provuar ta vërtetojmë se çka ka ndodhur rreth arrestimit të tre policëve të Kosovës

Për rastin e kidnapimit të tre policëve të Kosovës nga Serbia, është deklaruar përfaqësuesi i Lartë i BE-së, Josep Borrell, transmeton gazeta “Kosova Sot Online”.

Ai tha se janë duke tentuar të kuptojnë se çka ka ndodhur saktë më këtë rast.

“E dini që ka ndodhur një incident rreth arrestimit të tre oficerëve policorë të Kosovës dhe ne jemi duke provuar ta vërtetojmë se çka saktësisht ka ndodhur. Jemi në kontakt të ngushtë me komandantin e KFOR-it dhe me të dyja palët për të marrë vesh se çka çoi në këtë arrestim”.

Borrell njoftoi se do të organizojë një për t’u marrë me krizën, duke bërë thirrje për qetësi në terren.

“Duke parë situatën që po përkeqësohet çdo ditë, ne jemi në një gjendje të menaxhimit të krizave. Do t’i ftoj të dyja palët, Kosovën dhe Serbinë, për një takim për menaxhim krize këtu në Bruksel javën e ardhshme”, ka deklaruar ai para gazetarëve.

(Kosova Sot Online)