Osmani telefonon Gërvallën e Daçiqin: Është e rëndësishme që Serbia t’i lirojë oficerët e ndaluar
Ministri i Punëve të Jashtme të Maqedonisë së Veriut, Bujar Osmani ka treguar se ka biseduar përmes telefonit me ministren e Punëve të Jashtme të Kosovës, Donika Gërvallën dhe ministrin e Punëve të Jashtme të Serbisë, Ivica Daçiq, me të cilët ka diskutuar për situatën në veri të Kosovës, përcjell “Kosova Sot Online”.
Ai ka ka thënë se është shumë e rëndësishme që Serbia t’i lirojë menjëherë policët e kidnapuar nga forcat serbe.
“Kam komunikuar me ministrat e jashtëm të Kosovës dhe Serbisë. Përsërita thirrjen time për deeskalim urgjent në komunat veriore të Kosovës. Është jashtëzakonisht e rëndësishme që Serbia t’u japë qasje të menjëhershme dhe t’i lirojë oficerët e ndaluar”, ka thënë ai.
“Theksova gjithashtu nevojën që të dyja palët t’i përmbahen Udhërrëfyesit të Komunitetit Ndërkombëtar për de-përshkallëzimin, duke kujtuar se NATO/KFOR ka për detyrë të ofrojë një mjedis të sigurt në komunat veriore”, shkroi ai.
As ?? FM & @OSCECiO, I communicated with FMs of #Serbia & #Kosovo.
— Bujar Osmani (@Bujar_O) June 20, 2023
? Reiterated my call for urgent de-escalation in northern municipalities of Kosovo ➡️ It is crucially important that Serbia grants immediate access to and release the detained officers.(1/3)
(Kosova Sot Online)
