Sveçla: Kjo video tregon se si forcat serbe, me urdhër të Vuçiqit, rrëmbyen zyrtarët tanë të PK-së, në territorin e Kosovës
Ministri i Punëve të Brendshme, Xhelal Sveçla, ka publikuar një video, ku përshkruhet se si ka ndodhur rrëmbimi i policëve kufitar të Kosovës nga forcat serbe, përcjell “Kosova Sot Online”.
Sveçla ka thënë se rrëmbimi ka qenë i planifikuar dhe se është vepër kriminale.
Ai thotë se në video tregohet se si forcat serbe me urdhër të presidentit të Serbisë, Aleksander Vuçiq kanë rrëmbyer tre policët e Kosovës 1 km larg kufirit.
Ministri Sveçla ka shkruar se Serbia duhet të ndalojë fushatën e dezinformimit dhe të lirojë policët tani.
“Një rrëmbim i planifikuar. Një vepër kriminale. Videoja e mëposhtme tregon se si forcat serbe, me urdhër të drejtpërdrejtë të Vuçiqit, rrëmbyen zyrtarët tanë të PK-së, thellë në territorin e Republikës së Kosovës. Saktësisht 1 km larg kufirit. Serbia duhet të ndalojë dezinformimin dhe të lirojë oficerët tanë tani”, ka shkruar Sveçla.
A planned abduction. A criminal act.
— Xhelal Sveçla (@XSvecla) June 21, 2023
The video below, shows how Serbian forces, w/direct order from Vucic, abducted our KP officials, deep w/in the territory of ??. Exactly 1km away from the border. Serbia has to stop disinformation & release our officers now. pic.twitter.com/XAfpAAkjjt
(Kosova Sot Online)
