Ja cilin zyrtar të LDK-së Agim Veliu e lagu me ujë

Të mërkurën kryetar i degës së LDK-së në Podujevë, është zgjedhur Ekrem Hyseni, transmeton gazeta "Kosova Sot Online".

 Hyseni mori 90 vota. Rrjedhimisht, tashmë Agim Veliu është shkëputur nga LDK-ja.

Gjatë këtij procesi pati edhe pakënaqësi dhe ankesa, nga tashmë ish-kryetari i degës së LDK-së në Podujevë, Agim Veliu.

Duke hedhur akuza ndaj Hysenit dhe kryesisë së LDK-së se “zgjedhjet janë kundër statutit dhe rregullave të LDK”, ai thuhet se teksa ka lëshuar mbledhjen, e ka gjuajtur me ujë Xhafer Gashin, kryetarin e Obiliqit.

Kjo pasi, Gashi ishte përzgjedhur koordinator i këtij procesi zgjedhor në Podujevë. Ai në një prononcim tha se Veliu e kishte freskuar pak me ujë.

“Revolta e tij ndoshta e ka nxitur. Unë e kuptoj një gjë të tillë. Ndoshta pak e pa që jam i  zhegitur dhe me freskoj me ujë”, tha ai

Nga ana tjetër, Hyseni është shprehur se i gjithë procesi zgjedhor ka shkuar në rregull dhe nuk ka pasur asnjë ankesë në organet e LDK-së.

“Kanë marrë pjesë 97 delegatë. Në komisionin e ankesave asnjë ankesë nuk ka pasur. Kanë marrë pjesë mbi 1000 anëtarë. Asnjë ankesë të regjistruar. Ftoj të gjithë aktivistët, qytetarët që t’i bashkohen kauzës tonë për të mirën e vendit. Detajet i jep komisioni për zgjedhje”, tha Hyseni.

(Kosova Sot Online)