Kurti për takimin në Bruksel: Vuçiq refuzoi të marrë pjesë, unë dhashë dëshmi për rrëmbimin e 3 policëve tanë
Kryeministri i Kosovës, Albin Kurti, ka treguar për takimin që ka pasë dje në Bruksel me Përfaqësuesin e Lartë të BE-së, Josep Borrell, si dhe emisarin Miroslav Lajçak, përcjell “Kosova Sot Online”.
Kurti ka shkruar se Presidenti i Serbisë, Aleksander Vuçiq refuzoi të marrë pjesë në këtë takim.
Tutje, Kurti potencoi se ka dhënë dëshmi për rrëmbimin e 3 policëve të Kosovës dhe se është dikutuar për de-përshkallëzimin, zgjedhjet e reja dhe zbatimin e plotë të Marrëveshjes Themelore.
“U takova me Përfaqësuein e Lartë Josep Borrell dhe emisarin Miroslav Lajçak, por pa presidentin e Serbisë, i cili refuzoi të marrë pjesë. Unë dhashë dëshmi për rrëmbimin e 3 policëve tanë – të mbajtur për më shumë se një javë – dhe diskutova de-përshkallëzimin, zgjedhjet e reja dhe zbatimin e plotë të Marrëveshjes Themelore”, tha Kurti.
(Kosova Sot Online)