Lexoni edhe:
Dëmshpërblim për të gjitha krimet e luftës në Kosovë, përdhunimet seksuale gjatë luftës janë krimet më të rënda penale të shtetit serb
Gërvalla përplaset ashpër me Borrellin: A po bëni thirrje për mosndëshkim për ata që sulmuan NATO-n?
Ministrja e Punëve të Jashtme, Donika Gërvalla, i ka reaguar Shefit të Diplomacisë së Bashkimit Evropian, Josep Borrell, për arrestimet në veri, të cilat ai i ka konsideruar si arreste pa përfillje të procedurave gjyqësore, transmeton "Kosova Sot Online".
Gërvalla ka shpërndarë postimin e tij në Twitter dhe e ka pyetur nëse BE’ja po bën thirrje që të mos ndëshkohen ata që kanë sulmuar pjesëtarët e NATO’s.
“A po bën thirrje BE-ja për mosndëshkim për ata që sulmuan NATO-n?”, ka pyetur Gërvalla.
Gërvalla ka thënë se arrestimi i djeshëm, është bërë në bazë të Kodit të Prcoedurës Penale të Kosovës dhe se s’ka asgjë “jashtëgjyqësore”.
“Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj. Arrestimi u bë në bazë të nenit 71 të Kodit të Procedurës Penale të Kosovës, kështu që nuk ka asgjë jashtëgjyqësore”, ka shkruar Gërvalla në Twitter.
(Kosova Sot Online )
