Lexoni edhe:
Zhvillime të reja rreth skandali seksual në Shqipëri, botohet edhe në Fletoren Zyrtare shkarkimi i Gjicit si kreu i Bashkisë së Kukësit
Ka nisur tubimi në Mitrovicë të Veriut, pritet të lexohet edhe deklarata e Vidovdanit
Është duke u zhvilluar tubimi i serbëve nga veriu, i cili po mbahet në pjesën veriore të Mitrovicës, gjegjësisht në sheshin Braçe Miliq, jo shumë larg urës mbi Ibër, transmeton "Kosova Sot Online".
Në këtë shesh është vendosur një skenë me flamuj të Serbisë. Qytetarët mbajnë pankarta “Jo tërheqje, jo dorëzim”, “Serbia është nëna jonë, Kosova nuk ju jepet”, “Lironi vëllezërit tanë të arrestuar”, raporton Kossev.
Liderët e Listës Serbe, duke përfshirë kryetarin e partisë, Goran Rakiq, nënkryetarin, Igor Simiq, ish-kryetarin e Komunës së Zveçanit, Dragisha Miloviq, si dhe zyrtarë të tjerë janë prezentë në shesh.
Në këtë tubim, përfaqësuesit e Listës Serbe pritet të lexojnë “Deklaratën e Vidovdanit të Popullit Serb”.
Në të njëjtën kohë, edhe në Graçanicë po mbahet një tubim i serbëve.
Policia e Kosovës më herët kishte njoftuar se pikërisht për shkak të protestës, rruga kryesore që lidh Gjilanin me Prishtinën do të mbyllet nga ora 11:30 deri në përfundim të protestës.
(Kosova Sot Online )
