Lajçak: De-përshkallëzimi do të thotë që kryetarët e komunave të tërhiqen nga ndërtesat ku ndodhen aktualisht

Emisari i BE-së për dialogun Kosovë-Serbi, Miroslav Lajçak, ka thënë se kreu i Komunës së Leposaviqit, Lulzim Hetemi duhet të ndjek shembullin e kryetarëve të tjerë dhe të punojë nga objekte alternative, përcjell "Kosova Sot Online".

De-përshkallëzimi do të thotë që kryetarët e komunave të tërhiqen nga ndërtesat ku ndodhen aktualisht,  para së gjithash në Leposaviq. Dhe të punojnë nga disa ambiente të tjera, siç bëjnë tashmë dy kryetarët tjerë.  Do të thotë se merren me disa çështje administrative, por jo politike. Për këtë ata nuk kanë marrë mandat nga votuesit e komunitetit serb”, ka thënë Lajçak.

 Lajçak thotë se hapi tjetër është të diskutohet për datën e zgjedhjeve të reja dhe si të arrihet deri tek ato.

“Në të njëjtën kohë presim që demonstruesit, policia speciale dhe KFOR-i të tërhiqen. Që të kemi paqe, që njerëzit t’i kthehen jetës së tyre dhe t’i kthehemi punës sonë. Kjo është de-përshkallëzimi. Pastaj hapi tjetër është të diskutojmë se kur do të kemi zgjedhje të reja dhe si do t’i arrijmë ato”, ka thënë Lajçak.

(Kosova Sot Online)