Fitore Pacolli godet Ramën: Kaq për largpamësinë e tij

E.K /
02 July 2023 - 10:35

Deputetja e VV-së, Fitore Pacolli, ka komentuar deklaratën e kryeministrit të Shqipërisë, Edi Rama se nisma “Ballkani i Hapur” e ka përfunduar misionin për të cilin ka lindur, dhe se tash rruga kryesore është Procesi i Berlinit, përcjell "Kosova Sot Online".

Pacolli duke përmendur dy deklarata të ndryshme të kryeministrit Rama, njëra më 14 nëntor 2022 dhe tjetra më 1 korrik 2023, ka shkruar, "Kaq për largpamësinë e tij dhe këshillave të tij për Kosovën".

“14 nëntor 2022 @ediramaal deklaronte se #BallkaniHapur është projekti i përhershëm, jo #ProcesiiBerlinit. 1 korrik 2023 Rama deklaron se Ballkani i Hapur e ka kryer misionin dhe se tash futemi në Proces të Berlinit. Kaq për largpamësinë e tij dhe këshillave të tij për #Kosovën.”