Presidentja Osmani i pret në zyrë kryeministrat e Holandës e Luksemburgut

S.A /
04 July 2023 - 09:27

Presidentja e Republikës së Kosovës, Vjosa Osmani i ka pritur në takim kryeministrin e Holandës, Mark Rutte, dhe homologun e tij nga Luksemburgu, Xavier Bettel.

Fillimisht ata në Aeroportin e Prishtinës janë pritur nga kreu i Qeverisë, Albin Kurti me të cilin do të takohen edhe më vonë në ndërtesën e Qeverisë ku edhe do të mbajnë konferencë për medie, transmeton "Kosova sot Online".

Lexoni edhe:

Era Istrefi në lidhje me kapitenin e kombëtares së Kosovës?

Vizita e liderëve të Holandës dhe Luksemburgut vjen në kohën kur tensionet mes Kosovës dhe Serbisë janë rritur.

Lexoni edhe:

Një video e çuditshme e Vuçiqit pushton rrjetin, presidenti serb shihet duke bërtitur se si mund ta vrasin

Tensionet nisën në fund të majit, kur kryetarët e rinj shqiptarë të Zveçanit, Leposaviqit dhe Zubin Potokut nën asistimin e policisë hynë në ndërtesat komunale, pavarësisht kundërshtimit të serbëve lokalë.

Bashkësia ndërkombëtare ka kërkuar nga Kosova dhe Serbia që të ulin tensionet dhe të organizohen zgjedhje të reja në katër komunat në veri.