Lexoni edhe:
Arrestohen katër policë dhe tre qytetarë, u përleshën fizikisht mes vete
Kjo është porosia e ish Presidentit Clinton në Tiranë që humbi për shkak të përkthimit: Serbët gabuan që nuk dolën në zgjedhje
Ish -Presidenti i Shteteve të Bashkuara të Amerikës Bill Clinton i cili qëndroi në Tiranë, të hënën, me ftesë të Kryeministrit Rama ka folur edhe për situatën në Veri. Fjalimi i tij u komentua shumë edhe për shkak se u përkthye me disa gabime. Clinton në të vërtetë adresoi kritika për mosdaljen e serbëve në zgjedhjet e 23 Prillit në Veri, transmeton "Kosova Sot Online ".
“Kosovarët i krijuan këto katër komuna për të mirën e serbëve për t’ua dhënë atyre edhe 4 kryetarë sikurse edhe vendet në Parlament. Kështu që ata gabuan që nuk dolën për të votuar” ka thënë Clinton.
” Çfarë çështje e madhe politike do të avancohej nga fakti se kush udhëheq me këto qytete te vogla” ka pyetur Clinton.
Tutje, Clinton i ka quajtur marrëzi tensionet në Veriun duke kërkuar që të ndalen.
“Unë mendoj që është e lehtë për shqiptarët, tani në shumicë [në Kosovë], të përpiqen të përfitojnë nga momenti për të shprehur qëndrimin e tyre, por gjëja e vërtetë që duhet të bëjmë është ta ndalim këtë marrëzi”, ka thënë ai.
(Kosova Sot Online )
