Për situatën e fundit në Kuvend reagon zyra e BE-së në Kosovë

Për dhunën në Kuvendin e Kosovës, ka reaguar Bashkimi Evropian, transmeton gazeta “Kosova Sot Online”.

Është quajtur zhgënyese krejt ajo që ndodhi në Kuvendin e Kosovës, ku deputetë të PDK-së janë përplasur me ata të VV-së, si dhe me disa ministra.

”Skena zhgënjyese dhune shihen sot në Kuvend. Kuvendi nuk është vend për sulme fizike, por vend për të diskutuar propozimet dhe politikat në mënyrë demokratike. Diskursi dhe shkëmbimi i ideve janë bazat themelore të një demokracie”, thuhet në reagimin e BE-së.

Prokuroria do të ftojë të përfshirët për t’iu marrë deklaratë për këtë që ka ndodhur.

Ndërkohë seanca në Kuvendin e Kosovës po vazhdon me aksione simbolike të opozitës.

(Kosova Sot Online)