Szunyog: Parlamenti nuk është vend për sulme fizike por për të diskutuar propozime
Dhunën që ngjau sot në Parlamentin e Kosovës midis qeverisë dhe opozitës, e ka dënuar shefi i Zyrës së Bashkimit Evropian në Kosovë, Tomáš Szunyog, transmeton gazeta “Kosova Sot Online”.
Ai i quajti zhgënjyese këto skena dhe tha se në parlament nuk ka vend për sulme fizike, por duhet të mbizotërojë diskursi dhe shkëmbimi i ideve.
“Skena zhgënjyese të dhunës u panë sot në Parlament”, ka shkruar Szunyogu në Twitter.
“Parlamenti nuk është vend për sulme fizike, por vend për të diskutuar propozime dhe politika në mënyrë demokratike. Diskursi dhe shkëmbimi i ideve janë themele bazë të demokracisë”.
(Kosova Sot Online)
