Ja pse pasagjerja amerikane u çudit me ulëset e një linje ajrore
Një pasagjere amerikane mbeti e çuditur me sediljet që kishte ofruar aeroplani me të cilin kishte udhëtuar, transmeton gazeta “Kosova Sot Online”.
Megan Homme tregoi përmes një videoje në TikTok se i duhej të ulej në njërën prej katër ulëseve ku do të ishte përballë me dy pasagjerë të tjerë.
Këmbët e saj ishin disa centimetra përballë dy pasagjerëve të tjerë.
Një vendosje e tillë e ulëseve është mjaft e zakonshme në trena dhe autobusë.
Sidoqoftë, është e pazakontë të shohësh një gjë të tillë edhe në aeroplanë.
Gruaja e cila vjen nga Chicago, SHBA tha se kishte qenë në një linjë ajrore rajonale në Suedi, por nuk e bëri të ditur se për se cila ishte ajo linjë.
“Nuk e kam parë më herët këtë në një fluturim”, tha ajo.
(Kosova Sot Online)