Lexoni edhe:
Burri nga Prishtina raporton në Polici se ishte rrëmbyer, identifikohen dhe arrestohen të dyshuarit
Papa Françesku paralajmëron një vizitë historike në Kosovë
Një lajm historik mundë të konfirmohet së shpejti, Papa Françesku synon që së shpejti të realizojë një vizitë edhe në Kosovë, transmeton Kosova Sot Online".
Kështu ka thënë vet ai në një intervistë për revistën spanjolle Vida Nueva, të botuar sot.
“Jemi duke punuar për vizitë në Kosovë, por asgjë nuk është vendosur”, tha Papa Françesku.
Ai po ashtu ka paralajmëruar vizita në Argjentinë, si dhe Uruguaj.
Në këtë intervistë, Papa Françesku zbuloi se ai po konsideron emërimin e një “përfaqësuesi të përhershëm” për të “shërbyer si urë” midis Rusisë dhe Ukrainës, në të njëjtën kohë që ai njoftoi se i dërguari i tij special për të ndërmjetësuar luftën do të udhëtojë në Pekin, duke pasur parasysh se tashmë ka vizituar Kievin, Moskën dhe Uashingtonin.
Pas udhëtimit që po bën aktualisht në Lisbonë, në kuadër të Ditës Botërore të Rinisë, Papa do të udhëtojë në Mongoli midis 31 gushtit dhe 4 shtatorit dhe do të marrë pjesë në Marsejë, Francë, në Takimet mesdhetare, më 22 dhe 23 shtator.
(Kosova Sot Online )
