Vuçiq në Banja Llukë: Vetëm edhe një pyetje, nuk duroj më
Presidenti i Serbisë, Aleksandar Vuçiq, sot pas nënshkrimit të Memorandumit për Bashkëpunim në Banja Luka, në një konferencë për media u ankua se kishte dhimbje, transmeton gazeta “Kosova Sot Online”.
Duke iu përgjigjur pyetjeve të mediave, ai ka thënë se sot ka dhimbje torturuese dhe kjo është arsyeja që po flet më ngadalë.
Teksa iu përgjigj pyetjeve, ai tregoi edhe se ka një problem me një nerv.
Siç u shpreh ai për mediat, “ vetëm edhe një pyetje, nuk duroj më”.
Vuçiq nga dje ndodhet në Republika Srpska, ku sonte në Prijedor do të marrë pjesë në përkujtimin e 28 vjetorit të aksionit “Stuhia”.
(Kosova Sot Online)
