Erdogan: Besoj se vizita e Putinit në Turqi do të jetë në gusht

Erdogan shprehu dëshirën e tij për të pritur Vladimir Putinin në Turqi në gusht. Në të njëjtën kohë, presidenti turk foli edhe për hapat që do të ndërmarrë vendi i tij, pas zhvillimeve të fundit në marrëveshjen e grurit në Detin e Zi, transmeton gazeta “Kosova Sot Online”.

“Nuk e kemi përcaktuar ende datën, diskutimet po vazhdojnë, shpresoj se vizita e Putinit në Turqi do të jetë në gusht”, tha Erdogan.

Duke iu referuar marrëveshjes së grurit ai tha se është dakord me Rusinë për këtë çështje dhe se do të eksportojë drithëra në vendet e varfra dhe të pazhvilluara afrikane.

Rikujtojmë se në një bisedë telefonike që Erdogan dhe Putin patën të mërkurën, presidenti turk i bëri thirrje homologut të tij rus që të shmangë “çdo përshkallëzim në luftën midis Rusisë dhe Ukrainës” dhe theksoi se marrëveshja e grurit është një “urë drejt paqes”.

(Kosova Sot Online)