Lexoni edhe:
Sveçla për rastin në Bon Vivant: Dështim i drejtësisë, palët e përfshira në konflikt kanë dhjetra vepra penale
Nënë e bijë nga Kosova humbën jetën në aksidentin e rëndë në Kroaci, babë e bir në gjendje të rëndë
Në një aksident në Kroaci kanë humbur jetën dy shtetas të Kosovës ndërsa dy të tjerë kanë pësuar lëndime të rënda trupore, transmeton "Kosova Sot Online "
Në aksidentin e ndodhur mbrëmë rreth orës 23:00 në dalje të Ravçës, në autostradën A1, kanë mbetur të vdekur nënë e bijë shtetas të Kosovës, ndërsa baba e biri kanë pësuar lëndime të rënda dhe janë transportuar në spitalin e Splitit. Bëhet e ditur se shtetasit e Kosovës vozisnin veturë gjermane, BMW.
Në aksident ka humbur jetën edhe një 33-vjeçar nga zona e Zarës, i cili drejtonte automjetin Volkswagen T-Roc.
BMW-ja e shtetasve të Kosovës është rrokullisur nga forca e goditjes, ndërsa VW humbi gjysmën e pjesës së përparme.
Nuk dihet ende se si ka ndodhur aksidenti që shkaktoi tre viktima, raporton index.hr.
Autoritetet kroate kanë nisur hetimet dhe gjatë ditës do të japin më shumë informacione.
