Apeli ia anulon Nagip Krasniqit vazhdimin dymujor të paraburgimit

Gjykata e Apelit ka vendosur që ta anulojë vendimin e Themelores për zgjatje të paraburgimit edhe për dy muaj ndaj kryeshefit të KEK-ut, Nagip Krasniqi, transmeton gazeta “Kosova Sot Online”.

Megjithatë, i njëjti do të vazhdojë të qëndrojë në paraburgim deri në një vendim tjetër të shkallës së parë.

Në ditën kur iu bënë tre muaj paraburgim, më 19 korrik, Gjykata Themelore vendosi që t’ia zgjasë këtë masë shefit të pezulluar të KEK-ut edhe për 60 ditë tjera.

Ndaj vendimit është ankuar mbrojtja e shefit të pezulluar të KEK-ut, konkretisht avokati Virtyt Ibrahimaga.

Krasniqi dyshohet për keqpërdorim të detyrës zyrtare, ushtrim të ndikimit dhe konflikt të interesit, për dy kontrata njëburimore në vlerë mbi 3.5 milionë euro.

(Kosova Sot Online)