Rohde: Derisa avokatëve kosovarë u lejohet të punojnë në Gjermani, praktikimi i ligjit gjerman kërkon një diplomë përkatëse
Ambasadori i Kosovës në Gjermani, Faruk Ajeti, para dy ditëve dha lajmin se avokatët e licencuar nga Kosova do të mund të ushtrojnë funksionin e tyre edhe në Republikën Federale të Gjermanisë, përcjell "Kosova Sot Online".
Këtë lajm e cilësoi si zhvillim pozitiv edhe ambasadori gjerman, Jorn Rohde.
Por, sot ai e sqaroi këtë postim, duke treguar se si mund ta ushtrojë profesionin e tyre avokatët kosovarë në Gjermani.
Rohde ka shkruar se praktikimi i ligjit gjerman kërkon një diplomë përkatëse.
“Sqarim i postimit tim të mëposhtëm: Derisa avokatëve kosovarë u lejohet të punojnë në Gjermani, praktikimi i ligjit gjerman kërkon një diplomë përkatëse. Ky kusht mbetet për përfaqësimin e klientëve në gjykatat gjermane. Përditësimi ka të bëjë vetëm me aktivitetet jashtë programit të avokatëve, duke përjashtuar procedurat gjyqësore”, tha ai.
Clarifying my tweet below: While 🇽🇰lawyers are permitted to work in 🇩🇪, practicing 🇩🇪 law necessitates a relevant degree. This condition remains for representing clients in 🇩🇪 courts. The update pertains solely to extracurricular activities of lawyers, excluding court proceedings https://t.co/iexl17rYqV
— Ambassador Jörn Rohde (@GermanAmbKOS) August 12, 2023
(Kosova Sot Online)