Mitrovicë: Rasti i 65 vjeçarit që u gjet pa shenja jete në rrugë rikualifikohet si “vrasje e rëndë”, arrestohet i dyshuari
Policia ka njoftuar se një person është arrestuar nën dyshimin se ka kryer veprën penale “vrasje e rëndë”, përcjell “Kosova Sot Online”.
Me 12 gusht, rreth orës 17:15 është raportuar se në rrugën e UÇK-së në Mitrovicë, një person është gjetur pa shenja jete. Rasti ishe kualifikuar si vdekje e dyshimtë, mirëpo më pas i është bërë autopsia dhe si rrjedhojë e hetimeve, është arrestuar personi i dyshuar.
Ndërsa, rasti nga vdekje e dyshimtë është ri-kualifikuar në veprën penale “vrasje e rëndë”
Njoftimi i plotë:
Arrestohet një person i dyshuar për veprën penale vrasje e rëndë
Mitrovicë, 14 gusht 2023
Me 12.08.2023, rreth orës 17:15 është raportuar se në rrugën e UÇK -së, në Mitrovicën e Jugut, një person është gjetur një person pa shenja jete. Në vendin e ngjarjes është identifikuar se peroni i pajetë është viktima S. M., 65 vjeçar. Fillimisht rasti është kualifikuar si vdekje e dyshimtë, prokuroi i rastit ka urdhëruar që trupit të viktimës t’ i bëhet autopsia në Institutin e Mjekësisë Ligjore (IML).
Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43 vjeçar, shtetas i Republikës së Kosovës. Lidhur me rasti në cilësi të provës materiale është konfiskuar vetura e viktimës e cila është gjetur në posedim te i dyshuari.
Me aktvendim të prokurorit, të dyshuarit i është caktuar masa e ndalimit për 48 orë. Ndërsa, rasti nga vdekje e dyshimtë është ri-kualifikuar në veprën penale “vrasje e rëndë”
(Kosova Sot Online)
