Ja pse kanë dhënë dorëheqje disa zyrtarë policorë
Gjatë këtij viti, 50 zyrtarë policorë kanë dhënë dorëheqje, ka thënë kryetari i Sindikatës së Policisë së Kosovës, Imer Zeqiri, transmeton gazeta “Kosova Sot Online”.
Zeqiri ka numëruar arsyet se pse ata kanë dhënë dorëheqje.
“Gjatë këtij viti 50 zyrtarë policorë kanë dhënë dorëheje, e shumica për shkak të pagës dhe kushteve tjera në punës siç janë sigurimi shëndetësor, ligji për pensionim, shujta, paga e 13-të, shpenzimet e rrugëtimit e shumë e shumë të tjera”, tha Zeqiri.
Ai tha se këto dorëheqje janë jashtëzakonisht shqetësuese.
Zeqiri shtoi se gjatë vitit të kaluar kanë pranuar rreth 100 dorëheqje.
(Kosova Sot Online)
