Ushtarja e FSK-së përzgjidhet për Akademinë Ushtarake Mbretërore në Britani

Pjesëtarja e Forcës së Sigurisë së Kosovës, Lirjona Bajraktari, është përzgjedhur për të ndjekur Akademinë Ushtarake Mbretërore në Sandhurst të Mbretërisë së Bashkuar në Sandhurst, përcjell “Kosova Sot Online”.

Ambasadori britanik në Kosovë, Nicholas Abbott, ka treguar se ka pasur kënaqësinë që ta takoj Bajraktarin, duke thënë se i vjen mirë të shohë që më të përkushtuarit e FKS-së do të ndjekin këtë akademi.

“Kam pasur kënaqësinë të takoj sot anëtaren e Forcës së Sigurisë së Kosovës, Lirjona Bajraktari, e cila është përzgjedhur për të ndjekur Akademinë Ushtarake Mbretërore në Sandhurst. Është e mrekullueshme të shohësh më të shkëlqyeshmit dhe më të përkushtuarit e FSK-së duke marrë pjesë në një nga institucionet ushtarake kryesore në botë në Mbretërinë e Bashkuar”.

(Kosova Sot Online)