MASHTI po shqyrton një mundësi: Paratë për blerjen e teksteve shkollore t’u kalojnë prindërve në llogari
Ministrja, Arbërie Nagavci, ka folur për çështjen e teksteve shkollore, të cilat ende nuk janë shpërndarë, përcjell “Kosova Sot Online”.
Ajo ka thënë se janë duke e shqyrtuar mundësinë që transferimi i mjeteve për sigurimin e teksteve shkollore të bëhet në llogaritë e prindërve dhe që të ata t’i blejnë tekstet për fëmijët e tyre.
“Sivjet jemi duke e shqyrtuar mundësinë që transferimi i mjeteve për sigurimin e teksteve shkollore sipas obligimit ligjor të MASHTI’t të bëhet në llogaritë e prindërve dhe të njëjtit t’i blejnë tekstet për fmëijët e tyre. Shumë shpejt brenda dy tri ditëve do të vendoset për këtë rrugë që po e shqyrtojmë. Paralelisht kemi përgatitur edhe platformën për aplikim në platformën e-Kosova me të githa detajet tjera dhe kemi shqyrtuar të gjitha mundësitë që në njërën anë të kemi tekste cilësore për fëmijët dhe kujdes për buxhetin e shtetit”, tha ajo.
(Kosova Sot Online)