Vuçiq: Greqia dhe Ukraina nuk do ta ndryshojnë qëndrimin ndaj Kosovës
Presidenti i Serbisë, Aleksandar Vuçiq, është takuar me presidentin e Ukrainës, Volodymyr Zelensky në Greqi, përcjell “Kosova Sot Online”.
Vuçiq ka treguar se me Zelenskyn ka folur edhe për situatën në Kosovë.
Tutje, Vuçiq ka thënë se ata e kanë mbështetur Ukrainën në rrugën e saj evropiane.
“Ia shpjegova situatën rreth Kosovës. Nuk mendoj se do të ketë ndonjë ndryshim në pozicionin e Ukrainës në lidhje me integritetin tonë territorial. Ne e mbështetëm Ukrainën në rrugën e saj evropiane”, ka thënë Vuçiqi.
Ai ka shtuar se Greqia nuk do të ndryshojë qëndrimin për çështjen e Kosovës.
“Kam pasur një bisedë të drejtë, të hapur, miqësore, konstruktive dhe të sinqertë me presidentin e Ukrainës Volodymyr Zelensky. Kam folur për atë që ka ndodhur në vitin 1999, duke konfirmuar se Serbia e konfirmon integritetin territorial të Ukrainës dhe do të vazhdojë ta bëjë këtë”, tha Vuçiq.