Sot afati i fundit për ta liruar objektin, punëtorët e strukturave paralele shihen në zyra
Punëtorët e strukturave paralele të Serbisë edhe sot kanë dalë në punë si zakonisht, edhe pse sot është afati i fundit për lirimin e ndërtesës në lagjen e Boshnjakëve në veri të Mitrovicës, përcjell “Kosova Sot Online”.
Ndërsa, raportohet se situate është e qetë.
Në ndërtesën e kontestuar janë të vendosura tri institucione që financohen nga Qeveria e Serbisë: “Zyra për Kosovën në Qeverinë e Serbisë”, “Qendra për Punë Sociale” nga Vushtrria dhe “Qarku Administrativ i Mitrovicës së Kosovës”.
Më 22 gusht, autoritetet lokale në Mitrovicë të Veriut i dorëzuan nënkryetarit të Listës Serbe, Igor Simiç, një raport ku thuhet se institucionet serbe duhet ta “lirojnë” objektin e tyre brenda tri ditësh.
(Kosova Sot Online)