Patriarku Porfirije e quan Kosovën pjesë të Serbisë
Kreu i Kishës Ortodokse Serbe Porfirije është takuar dje me ambasadorin e Britanisë së Madhe në Serbi, Eduard Ferguson, në Pallatin Patriarkal në Beograd, përcjell “Kosova Sot Online”.
Porfirije pretendoi se pozicioni i kishës është për paqe “sidomos në Bosnjë e Hercegovinë dhe Kosovë”.
Por, sipas tij, kjo duhet të ndodhë me Kosovën si pjesë të Serbisë.
“Patriarku shfrytëzoi këtë rast për të përsëritur qëndrimin e njohur të Kishës Ortodokse Serbe se në Kosovë ka hapësirë të mjaftueshme për të jetuar si për serbët ashtu edhe për shqiptarët, por se Kosova është pjesë e pandashme e shtetit të Serbisë dhe kanë rëndësi të pamatshme shpirtërore dhe historike për popullin ortodoks serb”, thuhet në njoftimin e kishës për këtë takim.
(Kosova Sot Online)
