Hasani: A e dini se në Shqipëri ka më shumë dëshirë për bashkim sesa në Kosovë?

Në Kosovë ka më pak disponim për bashkim sesa në anën tjetër të kufirit, ka deklaruar ish-ambasadori i Kosovës në Shqipëri, Nait Hasani, transmeton gazeta “Kosova Sot Online”.

Hasani tha se shteti shqiptar punon në drejtim të bashkimit të dy shteteve.

“Më shumë është në Shqipëri dëshira për bashkim, sesa në Kosovë. Edhe shteti shqiptar punon në këtë drejtim, e ka flamurin, e ka stemën, e ka himnin që të gjithë jemi rritë me të dhe i ka simbolet e shtetit dhe ingirencat në Kushtetutë për interesimin”, tha ai.

Ish-deputeti tha se shqiptarët e Kosovës janë më materialistë sesa ata të Shqipërisë.

“Ne e shohim më shumë materializmin te Shqipëria sesa te vetja. Ne jemi më materialistë sesa në Shqipëri. Rrethanat po tregojnë… Kështu që atje është ajo fryma ideale që qëndron në popull”, tha Hasani.

(Kosova Sot Online)