Rrahmani: Duhet të dihet çdo cent i cili shpenzohet nga institucionet publike

Për skandalin e fundit të Ministrisë së Industrisë, Ndërmarrësisë dhe Tregtisë për blerjen e grurit, sheqerit dhe vajit nga rezervat shtetëror, ka folur deputeti i LVV-së, Eman Rrahmani, transmeton gazeta “Kosova Sot Online”.

Ai ka deklaruar se çdo cent i cili shpenzohen nga institucionet e vendit duhet të jetë transparent për qytetarët pasi ata janë taksapagues.

“Mirëpo blerjet duhet të jenë transparente mënyrat si blihen çmimet e të gjitha këto për shkak se janë mjete të taksapaguesve dhe duhet të shohin se si shpenzohen. Nuk kemi asnjë të drejtë t’i fshehim mënyrat se si negociohen dhe se si blihen rezervat shtetërore sidomos këto që kanë të bëjnë më ushqimin”.

“Më vjen mirë që drejtësia është duke u marrë me këtë pjesë, mendoj se secili për punën që ka bërë duhet të japë llogari. Ka qenë mënyra e drejtë apo jo, të them të drejtën nuk jam shumë në dijeni për mënyrën si është vepruar dhe kaluar, janë rregulla dhe ligje që nuk mund t’i tejkalojmë asnjë sa do që na pëlqejnë neve”.

“Duhet të dihet dhe të jetë transparent çdo cent i cili shpenzohen nga institucionet publike e cila është taksë që paguhet nga institucionet e vendit, dhe ata kanë të drejtë të dijnë nga shteti i Republikës së Kosovës”, ka thënë Rrahmani.

(Kosova Sot Online)