Grubi: Kosova ka ndërhyrë në zgjedhjet e Maqedoninë së Veriut

Zëvendëskryeministri i Maqedonisë së Veriut, Artan Grubi thotë se Kosova ka ndërhyrë në proceset zgjedhore të Maqedonisë së Veriut dhe Shqipërisë, ndërsa këto dy shtete nuk janë përzierë asnjëherë në punët e brendshme të Kosovës, përcjell “Kosova Sot Online”.

Ai ka thënë se Kosova ka pasur ndërhyrje edhe në Maqedoninë e Veriut edhe në Shqipëri që nuk ka ndodhur ndonjëherë në histori.

Grubi tha se kryeministri Kurti vazhdimisht ka gabuar duke ndërhyrë në zgjedhjet në Maqedoninë e Veriut.

“Kishte ardhur me kërkesën e kryeministrit të Kosovës, për ta shpjeguar këtë çështje dhe në fakt u pa që vlerësoi që u bë gabim, dhe u vu vizita e kryeministrit të Kosovës, në kontekst të formimit të partiçkave të vogla minore të shqiptarëve me nga një deputet, dy deputet dhe për të iu dhënë krah atyre. Gabime të tilla nuk është që janë bërë vetëm këtë herë, janë bërë edhe në të kaluarën. Nga Maqedonia e Veriut nuk ka pasur asnjëherë ndërhyrje në proceset zgjedhore në Kosovë, apo edhe në politikat ndërpartiake në Kosovë asnjëherë, as edhe nga Shqipëria nuk ka pasur ndërhyrje as në Maqedoni as edhe në Kosovë por nga Kosova ka pasur ndërhyrje edhe në Maqedoninë e Veriut edhe në Shqipëri që nuk ka ndodhur ndonjëherë në histori”, tha Grubi.

(Kosova Sot Online)