Kryesuesit të bordit të Trepçës i janë dëmtuar dy automjete dhe një pjesë e shtëpisë
Zëdhënësi i Policisë Rajonale të Mitrovicës, Ilmi Prekazi, e ka konfirmuar sulmin me mjet shpërthyes ndaj kryesuesit të bordit të ndërmarrjes “Trepça”, Bahri Hyseni, përcjell “Kosova Sot Online”.
Prekazi ka treguar se në vendin e ngjarjes, ku dyshohet se ku ka ndodhur shpërthimi është vërejtur se dy automjete dhe një pjesë e shtëpisë ishin dëmtuar.
“Rreth orës 07:43, të ditës së sotme një ankues ka njoftuar policinë se dy automjete pronë e tij ishin dëmtuar. Njësitë policore kanë shkuar në vendin e ngjarjes dhe është vërejtur se dy automjete dhe një pjesë e shtëpisë ishin dëmtuar dyshohet nga një mjet shpërthyes. Njësitë kompetente policore kanë dalë në vendngjarje për ekzaminimin e vendit të ngjarjes”, tha Prekazi.
(Kosova Sot Online)